Janari eta arropa bilketa solidarioak
2009-10-27 ¦ Markina BHI
Datozen egunetan, Markina BH ikastetxeak bi kanpaina solidariotan hartuko du parte: "SOS Afrika" arropa bilketarakoa eta "Lekeitiotik Dajlako kanpalekura", Sahararako jatekoak biltzekoa.
Batean zein bestean har daiteke parte (hobe bietan). Horretarako:
- "SOS Afrika" arropa bilketan lagundu nahi duen ikasleak tutoreak gelan eman dion plastikozko poltsan azaroaren 3a baino lehen ekarri beharko ditu arropak.
- Sahararen aldeko janari bilketan lagundu nahi duenak, ikastetxera arroza, lentejak, azukrea edo/eta konpresak ekarri behar ditu ikastetxera datorren azaroaren 10etik 15era.